A Lacena Pequena nace coa vontade de crear espazos de encontro arredor da cultura, poñendo no centro as persoas, o patrimonio e as singularidades de cada lugar.

É un contedor marítimo recuperado e transformado nun espazo cultural móbil que viaxa por diferentes localidades do Camiño de Santiago, adaptando as súas propostas a cada contorna e ás persoas que a habitan.

A programación de A Lacena Pequena cambia en cada parada para dialogar coa contorna e coas persoas que a habitan. A proposta non chega cun catálogo de actividades pechado, senón que se constrúe incorporando creadoras e creadores, asociacións, artesás, colectivos e historias propias de cada lugar.

A accesibilidade cultural forma parte da razón de ser do proxecto, facilitando a participación e eliminando a barreira económica para que o acceso ás propostas dependa únicamente das ganas de achegarse e compartir.